Brendanus van Clonfert of Brendaan van Clonfert (omstreeks 484-577 n.C.), is een van die vroeë Ierse monastiese heiliges en een van die "Twaalf Apostels van Ierland". Hy is ook bekend as Brendanus die Navigator, Brendanus die Reisiger, Brendanus die Anachoreet of Brendanus die Dappere. Die Ierse vertaling van sy naam is Naomh Bréanainn of Naomh Breandán.
Brendanus is veral bekend vir sy legendariese reis om die “Eiland van die Geseëndes" te vind wat soms ook “Sint Brendanus Se Eiland" genoem word.[1] Die geskrewe beskrywing van sy reis kom uit die Ierse seeverhaal Navigatio Sancti Brendani Abbatis ("Reis van Sint Brendanus die Ab").[2]
Sint Brendanus se feesdag is op 16 Mei in die Katolieke, Anglikaanse en Oosters-Ortodokse Kerk.
© MMXXIII Rich X Search. We shall prevail. All rights reserved. Rich X Search